Amfiteatri antik i Durrësit u kthye në një skenë magjike mbrëmjen e të martës.
Muzika dhe historia u bashkuan në koncertin “Meloditë e Mesdheut”.
Sopranoja me famë ndërkombëtare Inva Mula u ngjit për herë të parë në skenën e amfiteatrit antik duke emocionuar publikun.
Sopranoja e cilësoi koncertin si një përvojë të veçantë dhe të paharrueshme.
Inva Mula u shoqërua nga instrumentistët Eklan Hasa në piano, Redi Hasa në violinçel dhe kori i fëmijëve.
Vendas e të huaj përmes muzikës udhëtuan në brigjet e Mesdheut duke e kthyer këtë koncert në një ngjarje që mbetet gjatë në kujtesë e që forcon më tej rolin e Durrësit si qendër e rëndësishme e jetës artistike.