Kancelarja ,Angela Merkel dhe udhëheqësit e lartë gjerman priten që këtë të hënë të vendosin masa të reja lidhur me kufizimet e Covid-19, ku përfshihet maska e detyrueshme në shkolla dhe kufizimet për të vizitur të afërmit në basnesë.
Gjermania këtë muaj vendosi bllokimin e bareve dhe restoranteve për të parandaluar një valë të dytë të koroavirusit. Ndërkohë që shkollat dhe supermarketet janë ende të hapura.Numëri i infeksioneve të reja nuk po rritet më në mënyrë eksponenciale, por ulja e të infektuarve nuk është ende i parashikueshëm.
“Shifrat po stabilizohen por shumë ngadalë,” citoi agjencia e lajmeve DPA, Merkel t’u thoshte anëtarëve të partisë së saj konservatore të Bashkimit Demokristian (CDU).
Sipas Reuters, Gjermania pritet që të kapërcejë gradualisht pandeminë pas dimrit falë motit më të ngrohtë dhe duke shpresuar se do të fillojë vaksinimin e popullsisë në muajt e ardhshëm. Do të ketë një përjashtim për mbajtjen e maskave në shkollë për disa nxënës në fillore dhe të gjitha klasat do të përgjysmohen për të lejuar më shumë hapësirë ndërmjet studentëve.
Merkel dhe krerët rajonalë të shteteve do të takohen përsëri të hënën e ardhshme, ku me shumë mundësi do të vendosin për masat e mëtejshme për të parandaluar përhapjen e Covid-19.Që nga fillimi i pandemisë, 520,000 raste COVID-19 u zbuluan në Gjermani deri në fund të Tetorit, por numrat u rritën me 50% në 780,000 raste në dy javët e para të Nëntorit.
Në të njëjtën periudhë, numri i pacientëve me kujdes intensiv COVID-19 në spitalet gjermane u rrit me 70%, duke çuar në ngushtime rajonale. Gjatë fundjavës, politikanët gjermanë kundështuan lehtësimin e masave aktuale.
Vendimi për të mbajtur të hapura shkollat dhe qendrat ditore u krijua për të lejuar prindërit të vazhdojnë të punojnë dhe për të shmangur dëmtimin e mëtejshëm të një ekonomie që pritet këtë vit të dëshmojë recesionin e saj më të keq që nga Lufta e Dytë Botërore.
/faxweb