Një viktimë dhe 4 të plagosur, e në mesin e tyre dhe një adoleshent krejt i pafajshëm.
Një ndër 4 të plagosurit nga të shtënat me armë në zonën e Don Boskos këtë pasdite të 4 janarit, rezulton të jetë kamarieri i lokalit ku ndodhi ngjarja.
19 vjeçari A.Selimaj ka marrë po ashtu një plumb në shpatull si pasojë e atentatit të kryer këtë pasdite. Fatmirësisht i riu së bashku me tre të plagosurit e tjerë janë dërguar shumë shpejt në spital, kjo për shkak se ‘Ushtaraku’ ndodhet fare pranë zonës ku ka ndodhur krimi.
19 vjeçari aktualisht ndodhet nën kujdesin e mjekëve dhe jashtë rrezikut për jetën.
3 të plagosurit e tjerë janë familjarë të viktimës, 35 vjeçarit Erion Çela. Një prej të lënduarve rezulton të jetë në rrezik për jetën.
Më datë 04.01.2022, rreth orës 16:15, në “Don Bosko”, në ambientet e një lokali dyshohet se është qëlluar me armë zjarri nga jashtë, në drejtim të një tavoline ku ishin ulur pesë shtetas.
Si pasojë e të shtënave, shtetasi E. Ç., 35 vjeç ka humbur jetën, dhe janë plagosur shtetasit A. D., 46 vjeç, A. S., 19 vjeç, B. Ç., 28 vjeç dhe E. C., 41 vjeç.
Shërbimet e Policisë kanë ngritur pika kontrolli në të gjitha pikat hyrëse-dalëse të Tiranës dhe në brendësi të lagjeve ku dyshohet se janë larguar personat, të cilët pasi kanë qëlluar me armë zjarri, janë larguar me një automjet tip “Mercedes-Benz”.“-njoftoi policia.