Gjyqtari i famshëm amerikan Frank Caprio, i cili u bë i njohur ndërkombëtarisht përmes transmetimeve televizive të vendimeve në gjykatën e Rhode Island, ndërroi jetë në moshën 88 vjeç. Vdekja e tij erdhi pas një beteje të gjatë me kancerin e pankreasit, i cili e kishte detyruar të shtrihej në spital njëpasnjëshëm.
Vetëm një ditë para vdekjes së tij, Caprio u dërgoi një mesazh mijëra ndjekësve të tij përmes mediave sociale, duke u kërkuar edhe një herë të luten për të. “Vitin e kaluar ju kërkova të luteni për mua dhe është e qartë se e bëtë, sepse kalova një kohë shumë të vështirë. Fatkeqësisht, pata një rikthim dhe u ktheva në spital. Ju kërkoj të më kujtoni përsëri në lutjet tuaja. Unë besoj thellësisht në fuqinë e lutjes. Mendoj se i Plotfuqishmi po na mbikëqyr, prandaj ju lutem më kujtoni”, tha ai në mënyrë karakteristike.
Caprio ishte një simbol i humanizmit dhe mirëkuptimit në praktikën gjyqësore, pasi ai shpesh tregonte butësi dhe dhembshuri ndaj qytetarëve që përballeshin me shkelje të vogla, duke fituar vlerësimin e botës, si në Shtetet e Bashkuara ashtu edhe jashtë saj. /tesheshi.com/
