Presidenti Ilir Meta edhe sot ka dalë në një komunikim me gazetarët për qëndrimin e tij në lidhje me çështjet e aktualitetit politik.
Meta u pyet edhe për takimin e zhvilluar me ambasadoren amerikane Yuri kim, por kreu i Shtetit nuk dha shumë detaje.
Ai theksoi se takimi ishte shumë pozitiv dhe se SHBA pret anëtarësimin e Shqipërisë në BE.
“Nuk bëj komente për këtë takim, i cili ishte një takim zyrtar. Ishte shumë pozitiv, SHBA pret anëtarësimin e Shqipërisë në BE.
Aktorët politikë të mos fokusohen në interesa afatshkurtra, por Shqipëria të ketë progres të përhershëm në këtë aspekt”, deklaroi Presidenti.
