Presidenti i vendit Ilir Meta, përmes një postimi në facebook, ka deklaruar humbjen e një miku të tij si pasojë e pasojave të lëna prej koronavirusit. Hekuran Doko quhet miku i presidentit, i cili në mesazhin e tij e cilëson si një njeri besnik e zemërmirë që pasi arriti të mposhte virusin në trupin e tij, por që nuk mundi dot të tejkalonte pasojat që i la. Meta e mbyll postimin e tij me një apel ndaj qytetarëve për të respektuar masat anti-Covid të këshilluara nga ekspertët.
Postimi i plotë: Ndaj dhimbjen për humbjen e një miku besnik e zemërmirë, Hekuran Dokos, i cili edhe pse arriti ta largojë virusin nga trupi i tij nuk arriti t’i mundë pasojat që i la.
Hekurani ishte një bashkëpunëtor në kohë të vështira, i palëvizur në bindjet e tij. Ai kurrë nuk kërkoi të përfitonte nga miqësia jonë, përkundrazi la vend në zemrën e miqve të tij nga karakteri që kishte, integriteti dhe vlerat e larta njerëzore.
U prehsh në paqe miku ynë Hekuran Doko!
COVID-19 vazhdon të jetë rrezik e kërcënim për jetët tona. Është e rëndësishme për secilin të tregojë kujdes personal duke respektuar të gjithë masat e këshilluara nga ekspertët dhe të lehtësojmë punën e mjekëve e personelit shëndetësor në këtë betejë të gjatë e të vështirë. Njëkohësisht edhe institucionet shtetërore duhet të tregojnë më tepër përgjegjshmëri.
/faxweb
