Presidenti i vendit Ilir Meta, gjatë një konference me gazetarët, u ndal dhe tek zhvillimet e brendshme në Partinë Demokratike.
Meta i kujtoi kreut të PD-së Lulzim Basha, përballjen e tij me Fatos Nanon, përballë të cilit tha se kishte shumicën e grupit parlamentar, por që e mundi dhe me zgjedhje.
Gjithashtu kreu i shtetit u shpreh se nuk është dakord as me parrullën e Sali Berishës se “revolucionin një ditë e drejton dhe një ditë na drejton”. Siaps tij, lideri historik i PD-së duhet t’i dalë në ballë revolucionit çdo sekond, pasi revolucioni gabon.
“Nuk është një problem mes Bashës dhe Berishës, është një problem i shkatërrimit të llogaridhënies brenda PD-së. Unë kam qenë kryeministër i Shqipërisë dhe kam qenë shumicë dhe jo pakicë. Kam fituar kundër Fatos Nanos dhe kandidatit të Fatos Nanos. Edhe në parlament kam pas shumicën në grupin parlamentar. Fatos Nano bëri disa deputet dhe bllokoi disa vendime në qeveri, unë dhashë dorëheqjen për të dhënë zgjidhje politike.
Këtu kemi të bëjmë me një krizë legjitimiteti, dualizmi e kanë provuar vetë. Është e vërtetë që është zgjedhur zotëria në qershor se ka pasur përpjekjen e Berishës, e Flamur Nokës, Aldo Bumçit, Belind Këlliçit dhe të gjithë të tjerëve. Këta njerëz jo që ja heqin këtë mbështetje por i vendosin në diskutim legjitimitetin e tij. Ky duhet të vendosë në vend legjitimitetin e tij.
Ai tha se nuk do ketë Kuvend se nuk dua të përçajë partinë dhe pastaj e mbajti kuvendin, por nuk vendosi në rend të ditës votbesimin personal. Nëse to do të tregosh se je ndryshe nga Rama nga Meta nga Berisha dhe nga gjithë të tjerët ta mbante Kuvendin një javë para. A shkojnë këto pyetje, ç’a janë këta këmishzinj, janë struktura paramilitare. Këta janë e ardhmja? Absolutisht që nuk janë këta, por as parrulla që revolucionin një ditë e drejton një ditë na drejton.
Unë kam patur një dobësi për doktorin, por me këtë parrullë nuk jam dakord. Po dole në revolucion do ta drejtosh në çdo sekond. Revolucioni bën dhe ndonjë gabim. Aty ju e patë që protestuesit dolën që në 10:30, kur në 12:30 ishte shpallur manifestimi, për fat të mirë nuk pati një incident të rëndë me zotin Roland Bejko”, tha Meta.
