Presidenti Ilir Meta ka kujtuar këtë të hënë shpalljen e pavarësisë së Kosovës, nëntë vite më parë nga Gjykata Ndërkombëtare e Drejtësisë.

 

Kreu i shtetit shkruan në profilin e tij në Facebook, se Kosova shtet i lirë dhe i pavarur është një realitet i pakthyeshëm, ndërsa shton se ka kontribuar për më shumë paqe e stabilitet në rajon.

 

Gjithashtu Meta thekson se si ministër i Jashtëm, ai dhe qeveria e asaj kohe bënë më të mirën për të forcuar pozitën ndërkombëtare të Kosovës.

 

“Nëntë vite më parë, pretendimit serb mbi paligjshmërinë e shpalljes së pavarësisë së Kosovës, Gjykata Ndërkombëtare e Drejtësisë i dha fundin e merituar, duke njohur aktin e shpalljes së pavarësisë dhe sovranitetit të Kosovës në përputhje të plotë me të drejtën ndërkombëtare. Ky vendim historik ishte njëkohësisht njohje dhe vlerësim ndaj sakrificave sublime të të gjithë atyre që nuk iu nënshtruan spastrimit etnik dhe nuk bënë asnjë kompromis me të drejtën e patjetërsueshme të qytetarëve të Kosovës, për të jetuar të lirë dhe në paqe si të gjithë evropianet e tjerë. Ishte kënaqësi për mua ta përjetoja këtë moment historik si Ministër i Jashtëm, asokohe i një qeverie që bëri më të mirën për të forcuar pozitën ndërkombëtare të Kosovës. Kosova si shtet i lirë dhe i pavarur është realitet i pakthyeshëm që ka kontribuar për më shumë paqe, siguri dhe stabilitet në rajonin tonë.”

Subscribe kanalin tonë në Youtube për të mos humbur asnjë video të re