Skip to content

Meta nderon me titull Akil Panon/ Ka kontribuar në harmoninë fetare dhe mbrojtjen e familjes

  • 15/05/2022

Ndajeni këtë artikull me të tjerë duke klikuar ikonat më poshtë

Presidenti ilir Meta ka nderuar me Titullin e lartë “Kalorës i Urdhrit të Skënderbeut” Pastor Akil Panon.

 

Kreu i Shtetit deklaron se Pastori ka dhënë kontribut në kauzën e mbrojtjes së familjes personave në nevojë dhe me aftёsi ndryshe, si dhe në forcimin e bashkëjetesës e harmonisë fetare në vendin tone.

 

“Me rastin e Ditës Ndërkombëtare të Familjes, pata kënaqësinë të vlerësoj një personalitet të dalluar në jetën civile dhe fetare të vendit, një avokat publik në mbrojtje të institucionit të familjes dhe jetës, Pastor Akil Pano.

 

Nismëtar dhe themelues i lëvizjes qytetare “Koalicioni Shqiptar Pro Familjes dhe Jetës”, ai ka spikatur si promotor i vlerave të larta morale, qytetare, kombëtare dhe të solidaritetit njerëzor.

 

Për përkushtimin e spikatur për kauzën e mbrojtjes së familjes dhe për mbështetjen ndaj personave në nevojë dhe me aftёsi ndryshe, i akordova Titullin e lartë “Kalorës i Urdhrit të Skënderbeut”.

 

Si udhëheqës i Vëllazërisë Ungjillore të Shqipërisë i jemi falenderues Pastor Panos edhe për kontributin në forcimin e bashkëjetesës e harmonisë fetare në vendin tonë, një vlerë e jashtëzakonshme kombëtare, me të cilën krenohemi dhe që mbetet një shembull frymëzues për të gjithë botën!”, thekson Meta.

Ndajeni këtë artikull me të tjerë duke klikuar ikonat më poshtë