Presidenti i vendit Ilir Meta, përmes një postimi në facebook, ka ngushëlluar familjarët e ish-kryebashkiakut të Kavajës, Selim Veizi, i cili ndërroi jetë ditën e sotme. Meta shpreh mirënjohjen për kontributin e Veizit në shërbim të komunitetit kavajas, duke e cilësuar si një kryefamiljar e qytetar model.
Postimi i plotë: Në këtë ditë të trishtuar për familjen e Tij dhe qytetin e Kavajës, shpreh ngushëllimet e mia më të thella për ndarjen nga jeta të z.Selim Veizi, kryefamiljarit model dhe nëpunësit të përkushtuar të shtetit, i cili udhëhoqi përmes vështirësish Bashkinë e Kavajës, si i pari Kryetari i zgjedhur i saj pas vendosjes së sistemit demokratik.
Nder, respekt dhe mirënjohje kontributit të Selim Veizit në shërbim të komunitetit kavajas dhe modernizimit të institucioneve shtetërore!
I paharruar kujtimi i Tij!
/faxweb
