Kryetari i Partisë së Lirisë, Ilir Meta ka reaguar në rrjetet sociale pas një takimi me qytetarët në qarkun e Beratit.
Meta shprehet se PL në këtë qark është një forcë e jashtëzakonshme dhe se me partinë e tij, shqetësimet e banorëve të Beratit do të dëgjohen fuqishëm në Kuvendin e ardhshëm dhe po ashtu do të jenë në programin e qeverisjes së ardhshme.
“Me Partinë e Lirisë, zëri dhe shqetësimet e banorëve të Beratit do të dëgjohen fuqishëm në Kuvendin e ardhshëm dhe shqetësimet e tyre do të jenë në programin e qeverisjes së ardhshme” shkruan Met ndër të tjera.
Kreu i PL shton po ashtu se Berati nuk meriton të jetë i pari për mbylljen e bizneseve të vogla, për rënien e lindshmërisë, për numrin e vetvrasjeve, divorceve dhe aborteve.
Postimi i plotë:
Partia e Lirisë në Qarkun e Beratit është një forcë e jashtëzakonshme.
I lumtur të takohesha me qindra anëtarë dhe simpatizantë në Kozarë, Perondi, Qereshnik, Ullinjas, Dimal, Kuçovë dhe Berat.
Me Partinë e Lirisë, zëri dhe shqetësimet e banorëve të Beratit do të dëgjohen fuqishëm në Kuvendin e ardhshëm dhe shqetësimet e tyre do të jenë në programin e qeverisjes së ardhshme.
Berati nuk e meriton të jetë i pari për mbylljen e bizneseve të vogla, për rënien e lindshmërisë, për numrin e vetvrasjeve, divorceve dhe aborteve.
As të jetë Qarku i dytë për tkurrjen e popullsisë dhe as i fundit për zhvillimin e sporteve.
Me Partinë e Lirisë, Berati do të çlirojë të gjitha potencialet e jashtëzakonshme që ka për zhvillimin që meriton, sepse ka jo vetem të gjitha resurset natyrore, por mbi të gjitha ka njerëz punëtorë e mendjendritur që meritojnë mbështetje dhe dashuri.
