Presidenti i Republikës Ilir Meta është takuar këtë të enjte me kryetarin e Komunitetit Mysliman Shqiptar, Haxhi Bujar Spahiu.
Kreu i Shtetit në këtë takim bëhet me dije se ka vlerësuar rolin e Komunitetit Mysliman për promovimin e bashkëjetesës dhe harmonisë fetare që nga themelimi i shtetit shqiptar deri në ditët e sotme.
Ndërkohë ka theksuar rëndësinë e madhe të bashkëpunimit mes institucioneve fetare me ato shtetërore të të gjitha fushave.
Gjithashtu në këtë takim është diskutuar edhe domosdoshmëria e intensifikimit të përpjekjeve për të bërë të mundur kthimin e pronave bashkësive fetare dhe kompensimin e tyre, sa më parë.
Gjithashtu Meta ka theksuar rëndësinë e funksionimit të Këshillit Ndërfetar në Shqipëri, si një instrument që forcon bashkëjetesën, harmoninë dhe solidaritetin në vendin tonë.