Meta viziton Akademinë e Studimeve Albanogjike: Ka luajtur rol të madh për forcimin e identitetit tonë kombëtar

245455681_412980900197151_3601244968614772801_n.jpg

Ndajeni këtë artikull me të tjerë duke klikuar ikonat më poshtë

Presidenti Ilir Meta, ka vizituar ditën e sotme Akademinë e Studimeve Albanogjike.

Meta thotë se ishte kënaqësi të bisedonte me profesorët atje, të cilat kanë ruajtur dhe promovuar trashëgiminë historike dhe kulturore të jashtëzakonshme.

Ndër të tjera presidenti thekson se Akademia e Studimeve Albanogjike ka luajtur një rol të madh për forcimin e identitetit tonë kombëtar, ndaj meriton të fuqizohet dhe të mbështetet më shumë.

“Të shohësh nga afër kryeveprat dhe dëshmitë e forta të civilizimit të hershëm europian të kombit shqiptar, autokton në trojet e veta, është vërtet një ndjesi e papërshkrueshme krenarie dhe emocionesh. Ishte një kënaqësi shumë e veçantë të vizitoja sot Akademinë e Studimeve Albanologjike dhe të bisedoja hapur me Profesor Luan Përzhitën dhe ekipin e mrekullueshëm të akademikëve, profesorëve dhe restauratorëve, të cilët punojnë me shumë përkushtim, për të ruajtur dhe promovuar një trashëgimi historike dhe kulturore të jashtëzakonshme, e cila duhet të jetë një prioritet edhe më i rëndësishëm mbarëkombëtar, për të gjitha institucionet shtetërore dhe jo vetëm. Akademia e Studimeve Albanologjike, me një rol të madh për forcimin e identitetit tonë kombëtar, meriton të fuqizohet dhe të mbështetet më shumë”, shkruan Meta.

Ndajeni këtë artikull me të tjerë duke klikuar ikonat më poshtë