Mike Maignan është përforcimi i parë i Milanit. Portieri francez ka festuar vetëm pak orë me Lilën titullin kampion në Francë.
Në mbrëmjen e djeshme ai bëri gati valixhet dhe u nis drejt Milanos.
“Djalli” është përforcuar me portierin më të mirë të kampionatit francez.
Kuqezinjtë kishn nisur kontaktet me portierin 25-vjeçar që nga mesi i muajit Prill. Milani do të paguajë për kartonin e Maignan 15 milionë euro, por është gati që të japë edhe bonus.
Futbollistit i është ofruar një kontratë 5 vjeçare, ku ai do të përfitojë 2.8 milionë euro në një sezon.
Ardhja e portierit francez shtyn Gianluigi Donnarumma-n larg Milanit. Vështirë që kampionati i saposhpallur në Ligue 1 të vijë në Milano për të bërë futbollistin rezervë.
“Djalli” ka hasur vështirësi për të firmosur një kontartë të re me portierin e kombëtares italiane dhe nuk deshi të humbte më kohë.
Distanca mes kërkesës dhe ofertës deri më tani është e madhe.
Donnarumma do të largohet nga Milani me parametra zero dhe Juventusi është gati që të përfitojë nga situata.
Por edhe PSG dhe Barcelona janë gati që të shpenzojnë për 22-vjeçarin të “të kaltërve”.
Për t’ju bashkuar faqes sone në Facebook, klikoni like
loading…
/faxweb