Miliarderi eksentrik Rupert Murdoch është fejuar sërish vetëm një vit pasi u divorcua nga Jerry Hall, gruaja e tij e katërt.
Rupert Murdoch është një manjat mediatik që zotëron një numër të madh gazetash ditore dhe javore, si dhe dy stacione televizive në Australi dhe SHBA.
Edhe pse shumë i suksesshëm në botën e biznesit, Murdoch nuk mund të gjejë një martesë të qëndrueshme. Ky 92-vjeçar ka katër martesa pas vetes dhe tani po përgatitet të shkelë për herë të pestë në “gurin e çmendur”.
Këtë herë e zgjedhura është Ann Lesley Smith, një grua 66-vjeçare e martuar me këngëtarin amerikan të muzikës country Chester Smith.
Ata ishin takuar vitin e kaluar në vreshtin e Murdokut. Me sa duket, është dashuri me shikim të parë.
Si për kujtesë, ka një numër të madh polemikash që lidhen me botimet e Murdoch, qofshin gazetat e tij të përditshme në Mbretërinë e Bashkuar apo stacionet televizive në SHBA.
Më i madhi lidhet sigurisht me Fox News, një kanal televiziv në SHBA, i njohur më së shumti për politikën e tij konservatore editoriale, por edhe për përhapjen e dezinformatave.
Duket se këto polemika nuk e kanë shqetësuar Ann Lesley Smith dhe ajo do të bëhet gruaja e pestë e Murdoch këtë verë, shkruan UNILAD. /tesheshi.com/
