Militanti-Berishës: Përgatitu Doktor të na drejtosh, se Gaz Bardhi fshihej pas fuçisë kur na rrihnin ne

kari-1-1.jpg

Ndajeni këtë artikull me të tjerë duke klikuar ikonat më poshtë

Një militant i ka bërë thirrje ish-kryeministrit Sali Berisha që të mos presë të mbledhë votat, por të thërrasë protestat, pasi sipas tij regjimet rrëzohen me protesta.

Ai i fustruar ka kujtuar edhe kohërat kur dilte në protestat e opozitës duke thënë se janë helmuar me gazlotjsellës, ndërsa kujton se Gazment Bardhi fshihej pas fuçisë që hidhte lëndën helmuese.

Po ashtu ai ka kujtuar edhe një episod nga takimi që kryetari i PD-së Lulzim Basha ka patur në Dibër. Ai tha se demokratët desh e kanë nxjerrë jashtë sepse nuk kishte çfarë t’u thoshte.

Militanti: U zgjodh kryetar partie prej 8 vitesh. Dhe unë nuk kam parë në botë që një lider të humbë herë pas here të të vjedhin votat të dalësh e të thuash mi  morën, po çfarë bën ti, ku je ti, je lider, je kryetar i gjithë demokratëve.

U fut në çadër, unë jam një nga demokratët më historikë, mund të më njohin në protestat që janë zhvilluar në Tiranë. Ne laheshim me gjak gazlotsjellësi, Gazment Bardhi ikte pas fuçisë që më digjte mua. Sot thotë nuk të lëmë sot se bën pazare me Ramën, është në rregull. Po këta demokratë këtu janë përlotur, kanë vjellë nga gazi lotsjellës i Edi Ramës. Demokratë që janë nëpër gjyqe, nëpër biruca.

Mos shko të rrish gjatë për të mbledhë firma se i kë të mbledhura jo 1500, por një milion e gjysmë. Përgatitu doktor sepse me sa di unë regjimet rrëzohen me protesta. Nëse është regjim bujrum na prij para, jo të presim firmat se na doli shpirti, por të mos presim sekondat dhe të rrëzojmë qeverinë e këtij krimineli që është i zhytur në krim dhe korrupsion.

E fundit Basha erdhi në Bulqizë dhe duke mbajtur një fjalim nga salla demokratë që ne kemi luftuar për 30 vite filluan duke thënë ik, ik, ik. E mora fjalën se më ra turp dhe e mbajtëm pak a shumë në këmbë se ishin duke e nxjerrë përjashta se nuk kishte se çfarë na thoshte. Si nuk i vjen turp që thotë që unë nuk lejoj që të mblidhet Këshilli kombëtar, kush je ti more?

Kjo gjë merr fund. Ato deputetë që ka sjellë atje janë demokratë dhe nuk kemi pse t’i refuzojmë, por t’u bëjmë një thirrje i kemi zgjedhur ne dhe t’i vënë gishtin kokës kur thonë jo se ti je një lider i këtij kombi dhe t’i sjell demokracinë në Shqipëri, përndryshe nga mbyti regjimi Envero-Rama.

Ndajeni këtë artikull me të tjerë duke klikuar ikonat më poshtë