Rreth 30 mijë nxënës të klasave të 9-ta në të gjithë vendin kanë përfunduar sot ciklin e provimeve të detyruara.
Me testimin në gjuhën e huaj u mbyll edhe arsimi bazë, ndërsa nxënësit shprehen të lehtësuar, tashmë në pritje të rezultateve.
NXENES
1-“Për mua më i vështirë ka qënë provimi i matematikës, këtë të gjuhës së huaj e mbarova për gjysëm ore. Tani për arsimin e mesëm do vazhdoj ekonomikun. ”
2-“Nuk ishte provim i vështirë, siç e prisnim.”
3- “Kisha mësuar sikur do bëhej namI, por nuk ishte aspak i vështirë.”
Në sallat e provimit nuk u lejuan mjete komunikimi, por nxënësit pohojnë se patën mundësi të konsultohen edhe pse sipas tyre, ky ishte provimi më i thjeshtë.
“Mirë shkoi çdo gjë, patëm mundësi të flasim nga pak.”
Pas kamerave, mësuesit shprehen se përdorimi i teknologjisë i ka bërë edhe më shumë dembelë nxënësit, të cilët nuk kanë seriozitetin dhe përgjegjshmërinë e duhur përpara provimeve, megjithatë presin rezultate të mira, sepse tezat nuk ishin të vështira.
Edhe këtë vit, regjistrimi i nxënësve në klasat e 10-ta do të kryhet online përmes portalit e-albania.