Ministri i Financave të Kosovës Hekuran Murati u sulmua ditën e djeshme me miell nga disa aktivistë të PSD-së.
Policia e Kosovës ka reaguar lidhur me ngjarjen, teksa është shprehur se ka shkuar menjëherë në vendin e ngjarjes pas publikimit në media dhe rrjetet sociale.
Policia thotë se ka kontaktuar me ministrin, i cili ka konfirmuar se nuk ka lëndime, ndërsa prokuroria ka kërkuar nisjen e hetimeve për ngjarjen.
“Në gazeta të ndryshme dhe rrjete sociale ka qarkulluar një video ku shihen disa persona duke hedhur miell mbi një ministër të RKS-së.
Lidhur me rastin njësitë policore kanë dalë në vendin ku ka ndodhë incidenti, është kontaktuar ministri, i cili ka njoftuar se nuk është lënduar.
Është njoftuar prokurori i cili ka sugjeruar që të bëhet shënim zyrtar, për procedura të mëtejme ligjore”, thuhet në njoftim.
Nol Nushi, Zgjim Hyseni dhe disa aktivistë të PSD-së ditwn e djeshme hodhën miell mbi ministrin, teksa ai ishte duke dalë nga një lokal në lagjen Dardania në Prishtinë.
