Ministrja e Integrimit Evropian, Dhurata Hoxha në një takim me Mekanizmin e rasteve track-record, ka theksuar se BE-ja është e interesuar për t’u siguruar se progresi për rastet e shënjestruara po vazhdon.

 

Pjesë e këtij takimi ishte edhe ministri i Drejtësisë, Abelard Tahiri, Kryeprokurori i shtetit Aleksandër Lumezi, Kryetari i Këshillit Gjyqësor të Kosovës, Nehat Idrizi.

 

“Kosova i ka plotësuar kushtet për liberalizimin e vizave dhe nuk kemi kushte shtesë”, është shprehur ministrja Hoxha, megjithatë, disa nga vendet anëtare që janë më hezituese, duan të shohin se puna dhe progresi për sundimin e ligjit po vazhdon.

 

Mekanizmi track-record, apo rastet e shënjestruara, nga vendet anëtare të BE-së po shihet si një ndër treguesit kyç të sundimit të ligjit, ku ministrja tha se puna në këtë drejtim po vazhdon.

 

Gjithashtuy në fjalën e saj ministrja theksoi se dinamizimi i agjendës integruese nuk do të ndalet, duke cekur se ditëve në vijim do të rifilloj lobimi, takimet me Ministrat e vendeve anëtare që të binden për votën e tyre në Këshillin e Ministrave.

Subscribe kanalin tonë në Youtube për të mos humbur asnjë video të re