Po vijojnë kërkimet në lumin Seman për një mjet që dyshohet të ketë rënë në orët e para të mëngjesit.

 

Policia bën me dije se targat e një automjeti janë gjetur në vend ndërsa pas verifikimit ka rezultuar se i përkasin një makine të marrë me qira nga 26-vjeçari Mateo Lika.

 

Telefoni i këtij të fundit, ka rezultuar i fikur, ndërsa polumbarët e RENEA-s kanë nisur kërkimet për gjetjen e trupit të të riut.

 

Fier/Informacion paraprak

 

Në orët e para të mëngjesit të sotëm, në vendin e quajtur “Ura e Mbrostarit”, janë konstatuar të thyer parmakët anësore të njërit krah të kësaj ure.

 

Në anë të rrugës është gjetur targa e një automjeti. Nga verifikimet rezultoi se kjo targë i përket një automjeti të marrë me qera nga shtetasi M. L., 26 vjeç, banues në Fier, me të cilin nuk është bërë e mundur marrja e kontaktit pasi numri telefonit del i fikur.

 

Priten polumbarët e Renea-s për të kontrolluar përgjatë lumit me qëllim gjetjen e automjetit nëse ka rënë në lum.

 

Grupi hetimor po punon për sqarimin e rrethanave të kësaj ngjarjeje.