Një nga teoritë më të mëdha thekson fort se koronavirusi është krijuar nga dora e njeriut, për qëllime ende të panjohura.
Megjithatë janë bërë studime të shumta që vërtetojnë të kundërtën, një prej të cilave ka cituar edhe profesor Tritan Kalo. Ai ka publikuar një pjesë të studimit në gjuhën angleze, teksa shkruan se kjo vjen si një përgjigje për fansat e teorive konspirative.
“Për fansat e teorive konspirative të Sars-Cov2/Covid-19.…E thonë Shërbimet Inteligjente Amerikane dhe jo unë…Komuniteti i Shërbimeve të Inteligjencës së SHBA ka zbritur në përfundimin se koronavirus ‘nuk është prodhuar nga dora e njeriut ose i modifikuar genetikisht”, shkruan ndër të tjerave Kalo.
