Shqipëria do të luajë të hënën një ndeshje të lehtë në letër, aty ku përballë do të ketë skuadrën modeste të Moldavisë. Këta të fundit, u mundën mbrëmë nga Andorra, teksa edhe ndaj Shqipërisë nuk pritet që të ketë shumë histori.
Duke parë rëndësinë e ndeshjes apo edhe nivelin e skuadrave, UEFA ka menduar që të provojë një eksperiment sa i përket gjykimit duke përcaktuar gjyqtarin anglez Kristofer Kavang, 34 vjeç.
Ky i fundit, që është një nga më të mirët në Angli, nuk ka gjykuar asnjë ndeshje mes ekipeve Kombëtare në Europë teksa ajo e Shqipërisë është e para.
Kavanag ka gjykuar ndeshje të rëndësishme në Angli, ku së fundmi ishte kryesor në takimin Liverpul-Leister, aty ku “The Reds” fitoi 2-1 në limite.
Në shumë ndeshje për të rinjtë, ai ka qenë gjyqtar i katërt në Europë ndërkohë që për herë të parë do të jetë kryesor, pikërisht në takimin Moldavi-Shqipëri.
Ai do të ndihmohet nga dyshja Daniel Kuk dhe Konstantin Hatdzidakis.
E hënë, 14 tetor 2019
20:45 Moldavi – Shqipëri
Gjyqtar: Kristofer Kavanag
Asistentë: Daniel Kuk, Konstantin Hatdziakis
Gjyqtar i katërt: Stjuart Atuell
Vëzhgues: Nikolai Levnikob (Rusi)
Delegat: Leon Shelings (Belgjikë)