Home RAJONI Mongerini e Han takojnë kryeministrat e Ballkanit: Reformat afrojnë rajonin në BE

Mongerini e Han takojnë kryeministrat e Ballkanit: Reformat afrojnë rajonin në BE

0

Ndajeni këtë artikull me të tjerë duke klikuar ikonat më poshtë

Shefja e politikës së jashtme të Bashkimit Evropian, Federica Mogherini, dhe komisioneri për zgjerim , Johannes Hahn, takuan udhëheqësit e gjashtë vendeve të Ballkanit Perëndimor, në margjina të Asamblesë së Përgjithshme të Kombeve të Bashkuara në Nju Jork. Pjese e ketij takimi ishte dhe kryeministri shqiptar Edi Rama.
 
“Rionfirmuam mbështetjen e qartë të BE-së për perspektivën e zgjerimit me Ballkanin Perëndimor, ashtu siç është thënë së voni edhe në nivel të Këshillit Evropian, edhe nga presidenti i Komisionit Evropian, Jean-Claude Juncker, në fjalimin e tij vjetor”.
 
“Në përputhje me këtë angazhim, Bashkimi Evropian po rrit mbështetjen ndaj të gjithë partnerëve, drejt objektivave të arritshme dhe realiste, në mënyrë që përparimi i tyre të jetë i pakthyeshëm deri në fund të mandatit tonë”, thanë përmes një deklarate të përbashkët Mogherini dhe Hahn.
 
“Jemi të kënaqur që presidenti i Malit të Zi, Filip Vujanovic, presidenti i Serbisë, Aleksandar Vuçic, presidenti i Kosovës, Hashim Thaçi, kryesuesi i Presidencës së Bosnjës, Dragan Çovic, kryeministri i Shqiperise, Edi Rama, dhe kryeministri i ish-Republikës Jugosllave të Maqedonisë, Zoran Zaev, kanë konfirmuar përkushtimin e tyre për realizimin e reformave, sidomos në drejtësi, sundim të ligjit dhe të drejta themelore, si dhe për përforcimin e bashkëpunimit rajonal dhe të marrëdhënieve të fqinjësisë së mirë”, thanë Mogherini dhe Hahn.

Ndajeni këtë artikull me të tjerë duke klikuar ikonat më poshtë