Morën 77 vota në Kuvend, ja kur do të betohen Rama dhe ministrat para Metës

Menjëherë pasi morën votëbesimin në Kuvend, Edi Rama dhe ministrat e zgjedhur të tij do të betohen ditën e nesërme në Presidencë, përpara Ilir Metës së shkarkuar prej tyre.

Betimi do të bëhet gjatë ditës së nesërme, pasi sot presidenti Meta e ka axhendën e programuar, pasi do të jetë në një vizitë pune në qytetin e Korçës.

Rama dhe ministrat e qeverisë së tretë në drejtimin e tij, u votuan në orët e para të mëngjesit të sotëm në Kuvend, me 77 vota pro, 55 kundër dhe 1 abstenim, në një seancë maratonë që zgjati për afro 20 orë.

Qeveria e re e Edi Ramës:

Edi Rama- Kryeministër;

Arben Ahmetaj – Zëvendëskryeministër dhe ministër i Shtetit për Rindërtimin dhe Programin e Reformave;

Olta Xhaçka – Ministër për Evropën dhe Punët e Jashtme;

Niko Peleshi – Ministër i Mbrojtjes;

Bledar Çuçi – Ministër i Brendshëm;

Delina Ibrahimaj- Ministër i Financave dhe Ekonomisë;

Belinda Balluku – Ministër i Infrastrukturës dhe Energjisë;

Evis Kushi – Ministër i Arsimit dhe Sportit;

Ulsi Manja – Ministër i Drejtësisë;

Elva Margariti – Ministër i Kulturës;

Frida Krifca – Ministër i Bujqësisë dhe Zhvillimit Rural;

Ogerta Manastirliu – Ministër i Shëndetësisë dhe Mbrojtjes Sociale;

Mirela Kumbaro Furxhi – Ministër i Turizmit dhe Mjedisit;

Elisa Spiropali – Ministër i Shtetit për Marrëdhëniet me Parlamentin;

Edona Bilali – Ministër i Shtetit për Mbrojtjen e Sipërmarrjes;

Bora Muzhaqi – Ministër i Shtetit për Rininë dhe Fëmijët;

Milva Ekonomi – Ministër i Shtetit për Standardet e Shërbimeve.

(E.K/Faxweb.al)