Dy ministrat e rinj të kabinetit qeveritar “Rama” pasi u votuan në Kuvend pritet që sot të betohen para Presidentit të Republikës, Bajram Begaj.
Bëhet fjalë për ministren e Shtetit për Sipërmarrjen dhe Klimën e Biznesit, Delina Ibrahimaj dhe ministrin e Financave, Ervin Mete.
Ditën e sotme në Kuvend u miratuan vendimet për lirimin e Ibrahimajt nga detyra e ministres së Financave, për t’u emëruar në postin e ri.
Siç njofton zyra e shtypit në Presidencë, ceremonia e betimit do të mbahet në orën 17:00 në institucionin e kreut të shtetit.