Pas më shumë se gjashtë orësh kërkime janë gjetur 2 shtetase gjermane të cilat “humbën gjurmët” pasi morën me qera një varkë në KSamil.

Sipas rregullit të parashikuar, xhiroja duhej të zgjaste 3 orë, prej orës 12:00 deri në 15:00.

Pas kësaj, shtetasi K. Daci, ka denoncuar mungesën e dy pedaloneve në policinë kufitare të Sarandës.

Sipas tij, pedalonet i kishte dhënë me qira tek dy turiste të huaja që prej mesditës dhe ato nuk ishin kthyer për disa orë.

Pas marrjes së njoftimit Policia Kufitare e Sarandës në bashkëpunim me policinë greke janë vënë në kërkim.

Dy pedalonet janë gjetur të shtyra nga rrymat detare, në ujërat greke.

Policia greke i ka rimorkiuar ato dhe ja ka dorëzuar palës shqiptare.

Dy pedalonet bashkë me dy shtetaset gjermane janë sjellë në portin e Sarandës. Ato janë në gjendje të mirë shëndetësore.

në Facebook, klikoni Join Group

/faxweb