Policia e Tiranës ka arrestuar 33 vjeçarin Amarildo Shabani, i cili akuzohet për dhunë ndaj bashkëshortes së tij.

 

Policia njofton se Shabani e ka marrë më forcë bashkëshorten nga vendi i punës dhe e ka çuar në një lokal në kryeqeytet, ku ka ushtruar ndaj saj dhunë fizike dhe psikologjike, ndonëse ajo ishte e pajisur me urdhër mbrojtje nga gjykata.

 

Ndaj 33 vjeçarit rëndojnë tre vepra penale “Heqja e paligjshme e lirisë”, “Dhuna në familje” dhe “Veprime në kundërshtim me vendimin e gjykatës”.

 

Bashkëshortja e tij punonte në një farmaci. 33 vjeçari pasi ka shkuar e ka marë me forcë i ka kërkuar që të riktheheshin bashkë dhe ta falte.

 

Por sipas dëshmisë së gruas, ai e dhunonte dhe për shkak të xhelozisë nuk e lejonte të shkonte në punë.

 

Kjo ishte arsyeja pse e dhunonte duke qenë se donte ta mbante në shtëpi.

 

Tiranë

 

I hoqi lirinë dhe ushtroi dhunë ndaj bashkëshortes së tij, e cila ishte e pajisur me urdhër mbrojtjeje, falë veprimeve të shpejta profesionale të shërbimeve të Policisë, kapet dhe vihet në pranga 33-vjeçari.

 

Shërbimet e Komisariatit të Policisë Nr. 4, pas njoftimit se një shtetas kishte marrë me forcë bashkëshorten e tij nga vendi i saj i punës, e kishte çuar atë në një lokal, pa dëshirën e saj, dhe më pas e kishte dhunuar, menjëherë kanë organizuar punën për kapjen e tij.

 

Si rezultat i veprimeve të shpejta profesionale nga shërbimet e Policisë, u bë arrestimi në flagrancë i shtetasit:

 

– A. Sh., 33 vjeç, banues në Tiranë, për veprat penale “Heqja e paligjshme e lirisë”, “Dhuna në familje” dhe “Veprime në kundërshtim me vendimin e gjykatës”.

 

Ky shtetas ka marrë me forcë bashkëshorten e tij, nga subjekti privat ku ajo punonte, në rrugën “Qazim Vathi”, e ka dërguar në një lokal dhe më pas ka ushtruar dhunë fizike dhe psikologjike, në kundërshtim me vendimin e Gjykatës, e cila e kishte pajisur këtë shtetase me urdhër mbrojtjeje.

 

Materialet i kaluan Prokurorisë, për veprime të mëtejshme procedurale.

https://berati.tv/wp-content/uploads/2023/02/makina-me-qera.png