Të paktën 315 persona në gjithë vendin janë evakuuar gjatë natës duke u gdhirë e premtja, nga forcat e ushtrisë.
Situatë alarmante paraqitet në fshatin Derven të Fushë Krujës, ku janë larguar shumë banorë.
Për shkak të niveli të lartë të ujit, kalimi i banorëve është bërë me gomone.
Edhe në zonën e “City Park” në Tiranë u përdoren gomonet për të evakuuar të gjithë personat e mbetur aty në orët e vona të mbrëmjes.
Ndërsa në Vorë u përdorën ekskavatorët për evakuimin e dy familjeve që kishin mbetur në shtëpitë e tyre të rrethuara nga uji.
Të gjithë banorët e evakuuar janë sistemua në qendrën shëndetësore të forcës tokësore në Zall Herrit. Ata do të qëndrojnë atje deri në përmirësimin e situatës.
Vërshimi i ujit solli shembjen e “Urës së Drojës” në Mamurras, që lidh aksin nacional Fushë Krujë-Milot. Kjo ka sjell probleme në lëvizjen e banorëve.
Lumi ka dale nga shtrati dhe ka përparuar ne disa banesa, ndrysa niveli i ujit arrin deri në 30 cm.
Probleme ka edhe në qarkun e Dibrës. Për shkak të reshjeve 3 familje me 14 anëtare ne fshatin Bruc të Matit, janë të izoluar mes ujit.
