Ministria e Punëve të Jashtme të Jordanisë tha se Izraeli është përgjegjës për sigurinë e civilëve dhe personelit mjekësor në spitalin Al-Shifa në Gaza, të cilin Izraeli e sulmoi në mëngjes.
Në një deklaratë me shkrim të MPJ e Jordanisë u dënua sulmi i ushtrisë izraelite në spitalin Al-Shifa në Gaza, me pretendimin se spitali ishte “përdorur nga Hamasi në operacionet e tij”.
Në deklaratë thuhet se bastisja nga forcat izraelite shkeli ligjin ndërkombëtar humanitar, veçanërisht Konventën e Gjenevës të vitit 1949 për Mbrojtjen e Civilëve dhe shtoi se Izraeli është përgjegjës për sigurinë e civilëve dhe personelit mjekësor në spitalin Al-Shifa.
Në deklaratë thuhet se kushtet e rrezikshme në Gaza kërkonin që Këshilli i Sigurimit të OKB-së të merrte përgjegjësinë ligjore.
Në deklaratën e ministrisë thuhet se komuniteti ndërkombëtar duhet të marrë përsipër përgjegjësinë e tij morale dhe të ushtrojë presion ndaj Izraelit, fuqisë okupatore, për t’i dhënë fund sulmeve të vazhdueshme kundër civilëve, veçanërisht grave dhe fëmijëve. Sulmet e të cilëve nuk mund të justifikohen me asnjë justifikim.
Sot në mëngjes, ushtria izraelite bastisi spitalin Al-Shifa, institucioni më i madh shëndetësor në rajon ku ndodhen mijëra pacientë dhe civilë të zhvendosur në Gaza.
Burimi: AA
