Gjykata Administrative ka shtyrë për herë të dytë vendimin për avokatin Lulzim Alushaj, i cili u eliminuar nga gara për Kryeprokuror.
Shkak për shtyrjen e procesit më datë 25 tetor ka qenë mungesa e një prej gjyqtarëve të çështjes.
Avokati Lulzim Alushaj u skualifikua nga KLP nga gara për kryeprokuror, pasi nuk plotësonte kushtin e pasjes 15 vjet përvojë pune si jurist. Alushaj e ankimoi vendimin për përjashtimin nga gara duke paditur Këshillin e Lartë të Prokurorisë në “Administrative.”
Vendimi për Alushajn po mban peng edhe procesin për zgjedhjen e kryeprokurorit të ri.
Kjo pasi deri në dhënien e një vendimi për të, procesi nuk mund të avancojë.
Përveç tij, kandidatë të tjerë për postin e kryeprokurorit janë prokurori i Krimeve të Rënda Olsjan Çela, prokurorja e Apelit të Tiranës Fatjona Memçaj, si dhe kryeprokurorja e përkohshme aktuale Arta Marku.
