Ish-deputetja e PD, Jorida Tabaku ka publikuar një status në FB ku flet për betonizimin e Tiranës në 5 vitet e fundit duke akuzuar kryebashkiakun e kryeqytetit, Erion Veliajn.
Tabaku thotë se dikur nga Tirana mund të shihje Dajtin, shtëpitë e vjetra dhe vilat e viteve ’30.
Sot sipas saj, Tirana është kafshuar dhe e kanë lënë pa hapësira dhe histori pasi në rrugët e kryeqytetit sheh vetëm beton, pluhur, maune e gropa që ngrenë vetëm godina të larta.
Ajo paralajmëron se një ditë ”çibani i vërtetë” do e marrë përgjigjen e merituar që qyteti mos jetë një realitet prej çimentoje dhe pluhuri.
STATUSI NGA JORIDA TABAKU
Na ishte një herë një qytet që quhej Tirana. Dikur nga rrugët e saj shihje malin e Dajtit, shtëpitë e vjetra dhe vilat e viteve 1930. Englendiseshe në rrugicat e qeta dhe të bukura të Tironës derisa një filluan ta kafshojne qytetin. Duke e lënë pa histori, pa hapësira dhe duke ia fshirë Dajtin nga sytë.
Prej 5 vitesh në qytet sheh vetëm beton, pluhur, maune dhe gropa që ngrenë lart e më lartë godina.
Kryebetonieri që shitet si ambientalist shton kullat në Tiranë. Pastaj ato i bekon si pemë dhe pyllin e betonit e quan orbital. Ndërsa Tirana zhytet në errësirën e kullave dhe zhulin e betonit. Kështu një ditë prej ditësh çibani real do të marrë përgjigjen e merituar për paudhësitë e tij gjithë këto vite.
Që realiteti i qytetit të mos jetë më i një vendi ku çimento dhe pluhuri zënë vendin e oksigjenit.
https://www.facebook.com/jorida.tabaku/posts/3610458229042116
