Kryeministri Edi Rama ka reaguar pas deklaratës së presidentit të Maqedonisë së Veriut, Stevo Pendarovski i cili deklaroi se Maqedonia duhet të trajtohet veç nga Shqipëria lidhur me procesin e hapjes së negociatave.
Në një shënim në twitter Rama shprehte se kjo qasje është e çuditshme dhe s’duket as e drejtë as praktike.
“Presidenti @SPendarovski nënkupton favorizimin e ndarjes nga Shqipëria në vendimin për negociatat?
Çudi kjo qasje, sidomos kur konsideron kontributin kyç të Shqipërisë&shqiptarëve në zhvillimet demokratike&rrugën europiane të shtetit mik.
S’duket as e drejtë as praktike faktikisht!”- shkruan Rama në twitter. ()