Subscribe

Kujtim Lamthi është fermeri i parë nga Shkodra që përfitoi kartën e naftës pa taksa në bujqësi, raporton Vizion Plus.

 

Tashmë ai ka të drejtë të tërheqë sasinë e karburantit të përllogaritur. Por ai e ka dhe një kërkesë për ministren e bujqësisë.

 

Kjo skemë ka nevojë që të nxisë më shumë kontrata që duhet të lidhen për ujitjen e tokës.

 

 

Ministrja e bujqësisë Milva Ekonomi tha se skemës së karburantit pa taska do t’i vijnë në mbështetje edhe dy skema të reja që do të nisin në muajin mars.

 

Ju e dini që në Mars ne hapim skemën mbështetëse kombëtare dhe paralalelisht do bëjmë maksimumin e zgjerimit të sipërfaqes së tokës që nevojitet për ujitje-tha ministrja.

 

 

Por skema e karburanti pa taksa ka ngjallur interesin e fermerëve, të cilët kanë nxituar të hapin një nipt të ri.

 

 

Janë mbi 6mijë nipte te reja që janë hapur këtë muaj. Ky është fakt konkret që lidhet me interesin për aplikim, ndërsa kushti vetëm janë dokumentimi I pronës. –thotë Irfan Tarelli, drejtor i politikave në MB.   

 

 

Por në datën 25 shkurt mbyllet afati i aplikimit për të përfituar kartën. Të dhënat tregojnë se kanë plotësuar dosjen 14 mijë fermerë, ndërsa potenciali është për rreth 50 mijë të tillë. Burime I thanë Vizion Plus se procesi do të shtyhet me rreth një muaj, për ti dhënë mundësi fermerëve që të aplikojnë.

Subscribe kanalin tonë në Youtube për të mos humbur asnjë video të re