Nard Ndoka: Më 11 dhjetor Lulzim Basha merr fund, nëse delegatët shkojnë në Kuvendin e thirrur nga Berisha

ndoka-1.jpg

Ndajeni këtë artikull me të tjerë duke klikuar ikonat më poshtë

Kreu i Partisë Demokristiane, Nard Ndoka, u shpreh në Debat me Alba Alishanin se data 11 dhjetor do të vendosë se çdo të ndodhë me Partinë Demokratike. Ai theksoi se nëse shumica e delegatëve të PD do të marrin pjesë në këtë kuvend, mbyllet konflikti.

“Shanset janë që të jetë vetëm një parti dhe kjo do të përcaktohet më datë 11 dhjetor. Unë e gjykoj që është detyrë e PD që të nxjerrë listën zyrtare të delegatëve, transparente për mediat.

Data 11 do të jetë një test. Nëse shumica e delegatëve të asaj liste zyrtare që PD ka marrin pjesë në atë kuvend, këtu kapitulli mbyllet. Në këtë situatë do të kishim vetëm një Parti Demokratike dhe individë që mbesin jashtë asaj partie.

Në këtë mënyrë, data 18 do të asgjësohej si mundësi pasi nuk mund të mblidhet pakica dhe të merrte një lloj zgjidhje ligjore, politike, morale, data 11”, tha Ndoka.

Ndajeni këtë artikull me të tjerë duke klikuar ikonat më poshtë