Kryeministri Edi Rama ka njoftuar se pas orës 12:00 hyn në fuqi çeku I bebeve. Në urimin e fundvitit, kreu I qeverisë deklaroi se po pas orës 12:00 hyn në fuqi po ashtu edhe vendimi për përgjysmimin e tarifave për studentët si dhe ai i mbylljes së lojërave të fatit.

 

Rama tha se 2018 u mbyll me një rritje ekonomike 4.8% ndërsa pohoi se gjatë 2019 do të ndërtohet edhe hekurudha Tiranë-Durrës.

 

Por krahas këtyre njoftimeve, kreu I qeverisë tha se viti 2019 do të jetë një vit I rëndësishëm për reformën në drejtësi.

 

“Gëzuar të gjithë në Shqipëri, Kosovë e kudo. Me ardhjen e 2019 për çdo bebe të lindur, do të hyjë çeku i ri i bebes, mbështetje financiare për çdo prind të ri. Mijëra sipërmarrës do të paguajnë 3 herë më pak taksa ndërsa për gjithë fermerët taksa 20% për inputet bujqësore do të shkojë më në fund 0. Nga nesër studentët tanë do përfitojnë përgjysmim tarifash, ndërsa më të mirët dhe ata në nevojë do të marrin dhe bursë 10 mijë lekë në muaj.  Punësimi i tyre në shtet do të jetë automatik, me parimin më i miri zgjidhet i pari. Do të jetë fillimi i fluturimeve ndërkombëtare nga aeroporti i Kukësit. Do të nisë ndërtimi i hekurudhës së parë moderne Tiranë- Durrës. Këto janë 6 orët e fundit të kumarit në Shqipëri, asnjë familje s’do jetë më e kërcënuar. Qindra miliona euro që i ka marrë lumi do mbeten në familje. Këto e të tjera janë frute e përpjekjeve që kemi bërë këto vite. Ky vit mbyllet me rritje ekonomike 4.5%. Kushdo që nuk ka prekur ende asgjë na ndryshimet e bëra, kjo më motivon për të krijuar Shqipërinë që duam.  E dimë që jemi ende larg drejtësisë që duam, por nëse shohim pas do kuptojmë që kemi përparuar shumë. 2019 do nisë me qeveri të re. Me besimin e madh se më e mira po vjen dhe falënderimin për reagimet tuaja, ju përcjell reagimet e mia më të përzemërta.”

 

 

Subscribe kanalin tonë në Youtube për të mos humbur asnjë video të re