Themeluesja e Fondit për të Drejtën Humanitare, Natasha Kandiç, tha se qëndrimi refuzues i Serbisë për anëtarësimin e Kosovës në Interpol – që kur u pamundësua u shoqërua me entuziazëm në Beograd – tregon se “ka një kuptim që nuk i afrohet të dy komuniteteve rreth interesave të përbashkëta, të tilla si sundimi i ligjit, e që fjithashtu nuk shkon as kah normalizimi i marrëdhënieve.”
Sipas saj, “politika e parandalimit të anëtarësimit të Prishtinës në organizatat ndërkombëtare, është mashtrimi i serbëve në Kosovë”.
Kandiç gjykon se serbët në këtë mënyrë “mohuan një qasje në mekanizmat për mbrojtjen e të drejtave të njeriut, të tilla si Gjykata Evropiane për të Drejtat e Njeriut”.
Ajo tha se politika e Vuçiçt për Kosovën ishte “jo e qartë”.
“Një botë më e arsyeshme dhe më e mirë do pritej nëse presidenti Vuçiç do mbështeste anëtarësimin e Kosovës në Interpol, sepse kjo do të ishte në interes të serbëve që jetojnë atje, në interes të të gjithë rajonit, por edhe një kusht për normalizimin e marrëdhënieve”, tha Kandiç.
Gruaja që është gjithnjë në opozitë me politikën e Beogradit sa i takon Kosovës, madje kërkon që Kosova të njihet pa kushte kufijsh.
“Nëse Presidenti propozon njohjen e Kosovës vetëm pas aneksimit të Mitrovicës dhe disa pjesëve të tjera të veriut të Kosovës (pra, pas ndryshim-korrigjimit të lufijve), kjo do ishte jë zgjidhje e keqe. Mitrovica është e rëndësishme për serbët në Kosovën qendrore. Nuk janë spitalet, universitetet, gjykatat dhe institucionet e tjera me rëndësi egzistenciale për serbët. Nëse nuk do ishte Mitrovica, serbët do të largoheheshin nga Kosova”, tha Kandiç.
“Unë e kuptoj se një ndarje e vogël është e nevojshme, por ajo duhet të ndodhë në një atmosferë fqinjësore, pas njohjes së Kosovës brenda kufijve ekzistues”, theksoi Kandiç.
