Në GJKKO po mbahet seanca gjyqësore ndaj kryebashkiakut të zgjedhur të Himarës, Fredi Beleri, i cili kërkon lejimin për t’u betuar si kryetar i kësaj bashkie.
Gjatë seancës, Beleri është shprehur se ndaj tij po bëhet padrejtësi për interesave politike.
Gazetarja Klodiana Lala ka siguruar dëshminë e plotë, ku po ashtu ai shprehet se përveç tij, por dëmtohet edhe familja.
Dëshmia e Belerit
Ndaj meje po bëhet një padtejtësi për interesa politike dhe financiare.
Zgjatja, shtyrja, përcjellja nga gjykata në gjykatë, veprimet tuaja për shtyrje të seancës nuk janë mënyra e duhur e gjykatës për të dhënë drejtësi.
Po më dëmtoni mua, por edhe familjen time.
Po ashtu po shkaktoni qëndrime armiqësore, duke na ndarë në grekë dhe jo grekë.
Mbështetja e qytetarëve të Himarës më ka dhënë force. Drejtësia e vonuar është drejtësi e mohuar.
Po dëgjojmë cudira në këtë gjyq.