Një ditë pas ndalimit të anijes “ENVI 1” me një ekuipazh prej 8 personash, mes të cilëve dhe pesë shqiptarë, në portin “Zawya” në Libi, ka ardhur reagimi i Ministrisë së Punëve të Jashtme.
Në një njoftim për mediat MPJ njofton se “ka marre te gjitha kontaktet e mundshme dhe janë bërë ndërhyrjet tek autoritetet libaneze”.
MEPJ ka marre te gjitha kontaktet e mundshme dhe kemi bere intervenimet tek libianet. Po e ndjekim intensivisht situatën. Po kërkojmë e përpiqemi për kthimin e tyre. Marinarët ndodhen ne anije dhe jemi siguruar qe s kane asnjë problem shqetësues. – thuhet në njoftimin e MPJ-së.
Anija me ekuipazh shqiptar e malazeze po mbahet e bllokuar në port, pasi ka dyshime për transport ilegal të materialeve të ndërtimit dhe thasëve me rërë. Rasti në fjalë u bë publik një ditë më parë përmes një postimi të ish kryeministrit Berisha në Facebook.
