Presidenti Ilir Meta ka reaguar pas ndarjes nga jeta të Maks Velos. Përmes një statusi në Facebook, kreu i shtetit thekson se “Maks Velo dhe zëri i Tij kritik do t’i mungojë në veçanti mbrojtjes së interesit publik në këtë periudhë të brishtë institucionale dhe demokratike”
Teksa u shpreh ngushëllime të familjarëve, të afërmve dhe bashkëpunëtorëve presidenti e quan lajm të trishtueshëm ndarjen nga jeta të Maks Velos.
“Si një prej figurave më novatore të artit shqiptar, simbol i antikonformizmit dhe lirisë së mendimit, piktor e arkitekt i shquar që luftonte pakompromis transformimet e shfrenuara urbane, intelektual aktiv që jetoi dy epoka duke provuar vuajtjet e burgjeve të diktaturës, shkrimtar e studiues i njohur, kjo ikje e Tij le pas një boshllëk të pazëvendësueshëm në shoqërinë shqiptare. Ngushëllime të afërmve, bashkëpunëtorëve, miqve e dashamirësve të shumtë!“, shkruan Meta.
Maks Velo u nda nga jeta në moshën 84 vjeçare, pasi vuante nga një sëmundje e rëndë.