Prokurori i Përgjithshëm Olsian Çela, në Komisionin e Ligjeve, ku ka raportuar punën për vitin 2023, ka folur në lidhje me ndërhyrjet politike në punën e prokurorëve.
Çela tha se sot prokurorët më shumë se kurrë janë të mbrojtur nga ndërhyrjet politike ndërsa shtoi se i kanë të gjitha garancitë për të kryer detyrat e tyre.
“Si është konceptuar sistemi sot i drejtësisë penale, KLP është organi që garanton pavarësinë e prokurorëve përmes një sërë funksionesh që kryen dhe me një sërë aktesh që lidhen dhe me etikën e prokurorit dhe praktikash ku ruhet distanca e prokurorëve për ndërhyrjet politike.
Sa i përket çfarë mund të bëjnë prokurorët, në të gjitha rastet që ka patur sensitivitete politik apo ka marrë përmasa diskutimi në nivel mediatik, kemi bërë transparencë aq sa mund të lejohet. Të dhënat mund të jenë statistikore apo sqarime
Duhet të marrin në konsideratë, është prokurori që vendos për nivelin e informacionit që mund të bëhet i ditur për publikun.
Të dhënat statistikore janë disponilbël dhe në çdo rast i kemi përpunuar për t’ia dhënë publikut.
Mendoj se prokurorët nuk kanë qenë më të mbrojtur sa janë sot, në kuadrin ligjit në fuqi, sa u përket ndërhyrjeve nga jashtë. Prokurorët kanë të gjitha garancitë për të kryer detyrat e tyre dhe nuk ka nevojë që të bëjnë”, tha Çela.
