Ndeshja Vllaznia – Prishtina/ “Sporti bashkon popullin”, Albin Kurti vizitë në Shqipëri një ditë para zgjedhjeve lokale: Sot jemi në heshtje!

Screenshot_17-2.png

Ndajeni këtë artikull me të tjerë duke klikuar ikonat më poshtë

Kryeministri i Kosovës Albin Kurti nga Shkodra dha një mesazh bashkimi për shqiptarët.

Aty ku ndoqi ndeshjen e basketbollit mes ekipit të Vllaznisë dhe Prishtinës, Kurti u shpreh se në këtë fushë, populli është përpara politikanëve.

“Sporti bashkon popullin. Padyshim që është kënaqësi të jem në Shkodër. Padyshim kjo që do shohim mes Vllaznisë së Shkodrës dhe Prishtinës së Sigalit, është më pak se ndeshje sepse jemi bashkë, më shumë se lojë sepse jemi bashkë. Besoj që tek fushë e bashkimit tonë, populli është përpara politikës, ndaj ne politikanët le ta ndjekim vullnetin e qytetarëve tanë” , tha Kurti.

I pyetur lidhur me zgjedhjet lokale, Kurti nuk ka folur duke u shprehur se këtë të shtunë është heshtje zgjedhore.
“Sot është heshtje zgjedhore nesër flasin qytetarët” – tha Kurti duke u larguar.

Të pranishëm në pallatin e sportit “Qazim Dervishi” ishin dhe Ministrja e Arsimit, Evis Kushi si dhe kryebashkiakia e Shkodrës, Voltana Ademi. Vizita e kryeministrit Kurti në Shqipëri vjen një ditë përpara se të mbahen zgjedhjet lokale në Kosovë.

/faxweb

Ndajeni këtë artikull me të tjerë duke klikuar ikonat më poshtë