Një gjykatë në Bjellorusi dënoi dy gazetarë nga kanalin i pavarur “TV Belsat” me dy vite burg për transmetim të drejtpërdrejtë të një proteste, thanë punëdhënësi i tyre dhe Shoqata e Gazetarëve Bjellorusë në deklaratat pas seancës gjyqësore të Enjten.

Gazetarët Darya Chultsova, 23 vjeçe, dhe Yekaterina Andreyeva, 27 vjeçe, u arrestuan në nëntor ndërsa mbulonin një demonstratë në kujtim të një aktivisti të opozitës i cili vdiq në Minsk disa ditë më parë.

Media lokale raportoi se aktivisti, Roman Bondarenko, me sa duket vdiq nga plagët e marra pasi u rrah nga policia gjatë trazirave.

Prokurori i Përgjithshëm i Bjellorusisë njoftoi të mërkurën se një hetim mbi vdekjen e tij ka filluar por shtoi se “përfshirja e punonjësve të organeve të punëve të brendshme në shkaktimin e dëmtimit trupor të Bondarenko nuk është vërtetuar”.

Gjykata të enjten vendosi që Chultsova dhe Andreyeva janë fajtorë për “organizimin e një demonstrate që shkel rëndë rendin publik”.

Sipas hetuesve, gazetarët dyshohet se mblodhën protestues, gjë që më pas çoi në “ndërprerje të transportit publik në zonë”. Chultsova dhe Andreyeva pretendojnë se ata janë të pafajshme.

“Unë kam gjithçka: rininë, një punë që dua, rëndësinë e saj dhe, më e rëndësishmja, një ndërgjegje të pastër. Unë dua t’i kushtoj gjithë energjinë time krijimit të Bjellorusisë pa shtypje politike. Unë kërkoj të shpallem e pafajshme për veten time, për kolegët e mi dhe për qindra të burgosur politikë,” tha Andreyeva në një seancë gjyqësore të mëparshme, sipas mediave lokale.

Grupi Bjellorus i të drejtave të njeriut “Viasna” e quajti burgosje politike dënimin e Chultsova dhe Andreyeva dhe tha se akuzat kundër tyre janë ngritur për shkak të punës së tyre gazetareske. Belsat është një kanal televiziv politikisht i pavarur me seli në Poloni që raporton kryesisht për Bjellorusinë. Buxheti i saj mbështetet në subvencionet e shtetit polak.

(E.H/Faxweb.al)

/faxweb