Subscribe
Qeveria dhe opozita janë në një mëndje, kur thonë se ka nevojë për një ligj të ri për koncesionet për të reflektuar mangësitë e deritanishme.
Por propozimet e deputetet e Jorida Tabaku mbi këtë ligj, do të merren në konsideratë në draftin që do të miratohet në vjeshtën e këtij viti.
Deri në miratimin e rregullave të reja, sipas Tabakut rreziku i koncesineve, vetëm po rritet ndërsa paratë po shpenzohen edhe për punë të pabëra, siç është rasti i inceneratorëve
Mbase jam bere e bezdisshme. por keto kontrata po paguhen edhe pse nuk po bëjnë punë. Meqë thoni është një pengesë ligjore, unë të isha në eëndin tuaj do të bëja ligjin sot dhe do e heqim përgjegjesinë nga vetja. Unë besoj jemi vonë të miratojmë këtë ligj në shtator-tetor, kur ndërkohë ju e dini që rreziku më i madh i buxhetit janë koncesionet. Nevoja është imediate- u shpreh Jorida Tabaku.
Edhe deputeti Erjon Braçe e vuri theksin tek hetimet dhe vendimet e gjyqësorit për inceneratorët, vendime të cilat duhet të reflektohen në përmirësimet ligjore. Sipas tij fokus kryesore është transparence e pronarëve përfitues të koncesioneve.
Për një cështje që është në hetim unë preferoj të mos flas. Ama në përfundim të hetimeve të gjitha mesimet e nxjerra duhet të reflektohen në ligj. Madje, madje theksi duhet të jetë tek transparenca, pronarët përfitues deri në hallkën e fundit- u shpreh Brace.
Ndryshimet ligjore në ligjin për koncesionet dhe partneritetin publik- privat do të kenë në fokus, kufizime dhe parandalime si dhe mbikëqyrje më të madhe të këtyre kontratave.
