Në kuadër të operacionit “Catch”, policia ka vënë në pranga dy të rinj, të cilët ishin në kërkim, pasi ndaj tyre Gjykata e Tiranës, i ka dënuar me burgim, për prodhim/shitje narkotikësh.
Foto ilustruese
I riu me iniciale D. Sh., është dënuar me 2 vjet e gjysmë burgim, ndërsa 23-vjeçari me iniciale J.H., është dënuar me 1 vit e 2 muaj burgim.
Njoftimi i policisë:
Tiranë/Vijon operacioni policor i koduar “Catch”, për kapjen e shtetasve të shpallur në kërkim.
Kapen 2 shtetas të dënuar nga Gjykata e Tiranës, me burgim, për prodhim/shitje narkotikësh.
Forca e Posaçme Operacionale e DVP Tiranë, në bashkëpunim me Seksionin e Narkotikëve, si rezultat i kontrolleve dhe punës së inteligjencës policore, të kryera në vijim të operacionit “Catch”, kapi dhe vuri në pranga shtetasit e shpallur në kërkim:
-D. Sh., 30 vjeç, banues në Tiranë, pasi Gjykata e Tiranës e ka dënuar me 2 vjet e gjysmë burgim, për veprën penale “Prodhimi dhe shitja e narkotikëve”;
-J. H., 23 vjeç, pasi Gjykata e Tiranës e ka dënuar me 1 vit e 2 muaj burgim, për veprën penale “Prodhimi dhe shitja e narkotikëve”.
Materialet procedurale iu referuan Prokurorisë së Tiranës, për veprime të mëtejshme
