Google, Amazon dhe shërbime të tjera në Rusi janë goditur nga përpjekjet e Kremlinit për të bllokuar aksesin e përdoruesve në aplikacionin Telegram
Rusia ndaloi përdorimin e aplikacionit pasi kompania refuzoi të dorëzonte çelësat e enkriptimit.
Adresat e Google dhe shërbimeve të tjera cloud u goditën sepse Telegram përdorte infrastrukturën e tyre.
Në një qëndrim zyrtar në Facebook dhe mediat e tjera sociale, autoriteti rregullator i komunikimeve elektronike në Rusi, Roskomnadzor, tha se kishte bllokuar disa IP të Google sepse Telegram po i përdorte ato.
Nga ana tjetër Google tha se ishte duke hetuar raportimet ndërsa Amazon nuk ka dhënë një deklaratë. /
