Brenda muajit shkurt të këtij viti pritet të nisë puna për 7 lotet të pjesës veriore të Unazës në kryeqytet.
Lajmin e ka bërë të ditur, Evis Berberi, Drejtori i Autoritetit Rrugore, i ftuar në studion e E-ZONE. Ai theksoi se janë identifikuar 684 objekte që preken nga gjurma e unazës ndërsa nënvizoi se 570 nga këto objekte, janë pa leje.
“Puna do të filloj brenda muajit shkurt të këtij viti, në të 7 lotet. Ne kemi marrë masat që të bëjmë dorezime të pjesshme të sheshit të ndërtimit që kompanitë të fillojnë punimet. Një afat maximal për përfundimin e të githë segmenteve të Unazës është 21 muaj
Ne kemi filluar procesin e identifikimit të objekteve që do të preken nga zbatimi i ndërtimit të Unazës së Madhe në Tiranë. Që në muajin shtator ne kemi dalë në tërren, kemi bërë identifikimin, dhe njoftimin e banorëve të cilët preken nga këto zhvillime.
Janë identifikuar 684 objekte që preken nga gjurma e Unazës nga këto 114 janë më certifikata pronësie dhe 570 janë në process legalizimi, por që me daljen e lejes së zhvillimit, Hipoteka ka filluar të bëjë njoftimin e atyre që legalizohen apo jo për shkak të zhvillimeve të reja”, tha Berberi.
