Lojtarët janë zëvendësuar nga kuajt. Këto pamje të trishta vijnë nga stadiumi i Krujës.
Ai është kthyer në vend ku ushqehen dhe kalojnë ditën kuajt. Nuk ka asnjë gjurmë të tapetit të fushës, vegjetacioni e ka mbuluar.
Të dëmtuara janë dhe shkallët e stadiumit. Në to janë hedhur dhe pirgje me inerte. Fusha po ju shërben këmbësorëve, pasi ju shkurton rrugën për në shtëpi.
Dëshmitë e vetme që dikur ky ishte stadium janë dy porta.
Prej më shumë se 6 vjet nuk është vënë dorë dhe për pasojë ekipi i “Kastriotit” nuk luan më në këtë fushë.
Skuadra luan në fusha të qyteteve të tjera. Ekipi po braktiset dhe nga tifozët, pasi prej distancave ata po e ndjekin në gjithnjë e më pak skuadrën e zemrës.