Pas 11 majit, Sali Berisha premton se do ketë negociata me SHBA për tarifat e vendosura nga administrata amerikane me 10% për produktet shqiptare.
Në konferencën e sotme për gazetarët në selinë e PD-së kryedemokrati iu përgjigj pyetjes lidhur me vendimin e presidentit Donald Trump për të tarifuar gjithë vendet e globit, ku prodhimet shqiptare që hyjnë në SHBA tarifohen me 10%. Berisha tha se në rast fitoreje të PD-së, ky vendim do negociohet me administratën Trump.
“Do kemi negociatat të hapura me SHBA për çështjen e tarifave, për Shqipërinë janë përdorur tarifat më të ulëta se vendet e tjera edhe për Kosovën. Këtë koment kam për tarifat. Që kur ka dalë kjo çështje e kam ndjekur. Në disa shkrime serioze kam konstatuar se tarifat se vendet kishin ndaj SHBA ishin shumë më të larta se sa, SHBA ndaj prodhimeve të tyre.
Ishte një studim i paanshëm. Do thoja studim nga linja që nuk janë shumë në këtë orientim. Në se një veturë, jo prodhim amerikan tarifohet me 3% në SHBA, vetura amerikane tarifohej me 10%. Këtu ka një po reale. Kishte vend me 17% tarifa, në një kohë kur SHBA kishin tarifa 3%. Kjo çështje është një çështje globale e cila nuk mund të jetë një anshmëri. Nuk shkohet me njëanshmëri.
Ka një moment historik. Ajo që dëgjuat këtu Made in Albania, ajo është drejtim themelor i kohës për ekonominë, prodhim prodhim, prodhim. Shpërndarja e pabarabartë e prodhimit, rrezikon për ekonomi jo të qëndrueshme. Ky është komenti im për tarifat, negociata pas 11 majit”, tha Berisha.
