Sot dhe nesër në Këshillin e Europës do të mblidhen liderët e 28 vendeve pjesëtare të BE-së, të cilën do të vendosin lidhur me çeljen e negociatave për Shqipërinë dhe Maqedoninë e Veriut.
Në faqen zyrtare të Këshillit është publikuar edhe axhenda e plotë e takimit, ku thuhet se vendimi për dy vendet e Ballkanit Perëndimor do të jepet pranë fundit të takimit.
Axhenda e plotë:
Pikat kryesore të axhendës
Këshilli Evropian do të takohet në 17 dhe 18 tetor 2019 për të diskutuar një numër çështjesh të rëndësishme, duke përfshirë buxhetin afatgjatë të BE-së, përparësitë për 5 vitet e ardhshme dhe Brexit.
Buxheti afatgjatë i BE-së
Udhëheqësit do të diskutojnë buxhetin afatgjatë të BE mbi bazën e punës së presidencës së Finlandës.
Axhenda strategjike dhe cikli i ardhshëm institucional
Udhëheqësit do të diskutojnë për një vijim të axhendës strategjike dhe përparësive për BE për vitet 2019-2024. Presidentja e zgjedhur e Komisionit Evropian Ursula von der Leyen do të jetë e ftuar të paraqesë përparësitë e Komisionit të ri.
Këshilli Evropian gjithashtu pritet të miratojë një vendim që emëron Christine Lagarde si Presidente të Bankës Qendrore Evropiane.
Zgjerimi i BE-së
Këshilli Evropian do të diskutojë për zgjerimin dhe procesin e stabilizimit dhe shoqërimit në lidhje me Shqipërinë dhe Republikën e Maqedonisë së Veriut.
Klima
Udhëheqësit pritet të flasin për aspektet ndërkombëtare të ndryshimit të klimës, pas Samitit të KB për Veprimin e Klimës dhe përpara Konferencës së Klimës në Santiago de Kili në dhjetor.
Brexit
Këshilli Evropian (Art 50) do të takohet në formatin EU 27 për të diskutuar gjendjen e Brexit.
Tjetër
Në varësi të ngjarjeve, liderët e BE-së gjithashtu mund të diskutojnë çështje të politikës së jashtme.
Ministrat e Jashtëm të BE u mblodhën dy ditë më parë në Luksemburg për të përgatitur draftin me konkluzionet kryesore në axhendë për samitin e 17-18 Tetorit, ku do të vuloset edhe fati i Shqipërisë dhe Maqedonisë nëse do të hapen apo jo negociatat.
Hahn tha se kundër janë 3 vende dhe po punohet me to.
Ndërkohë një ditë më parë Macon nuk u bind për hapjen e negociatave për Shqipërinë edhe pas tentativave të Gjermanisë.
