Sipas asaj që ishte parashikuar nga kanali televiziv Sic, kryeministri portugez António Costa i ka dorëzuar tashmë Presidentit të Republikës dorëheqjen e tij.
Costa është i përfshirë në hetimin e gjyqësorit për investimet “gjelbër” të qeverisë së tij. Ministri portugez i Infrastrukturës, João Galamba, u padit si pjesë e një hetimi që bëri këtë mëngjes policinë të kontrollonte dy ministritë (Infrastrukturës dhe Mjedisit) dhe vetë Presidencën e Këshillit.
Sipas asaj që u raportua në shtypin portugez, nën hetim do të ishte edhe vetë kryeministri, António Costa, por në një hetim të zhvilluar këtë herë nga Gjykata e Lartë.
Për Galamba, krimet për të cilat dyshohet nga Prokuroria Publike do të ishin korrupsioni aktiv dhe pasiv, tregtia me ndikim dhe shpërdorimi i detyrës.
Hetimet kanë të bëjnë me investime në shfrytëzimin e hidrogjenit të gjelbër dhe minierës së litiumit Montalegre, në veri të vendit.
Për momentin do të ishin të paktën tre figura shumë të afërta me kryeministrin në paraburgim: kreu i kabinetit Vítor Escária, sipërmarrësi, konsulenti dhe miku personal i kryeministrit, Diogo Lacerda Machado dhe kryetari socialist i qytetit port. i Sines, Nuno Mascarenhas./ANSA
